«Білгеніңді шыңдай түс»
Іс – шаралар

Қыркүйек айының 26-і күні  ОҚО арнайы көзі көрмейтін және әлсіз көретін азаматтарға арналған кітапханада аудандық кітапханашыларға  «Білгеніңді шыңдай түс» атты кезекті кәсіби деңгейді көтеру сабағы өткізілді.

Сабақта қамтылған мәселелер: кішімобилді оқырмандарға қызмет көрсету мүмкіндіктерінің демонстрациясы – тифлокешендер: брайль дисплейі, кітап оқу сканері, мәтінді ұлғайтатын стационарлы лупа, брайль принтері бар әрі арнайы бағдарламамен қамтылған компьютерлер. Есту, сөйлеу қабілеті кем-бағал зағиптар үшін – сөйлеу дағдыларына ықпал ететін кішігірім аудиокласс. Көру қабілетінен айырылғандардың аудиокітаптарды тыңдауына арналған осы замандық МР 3 – плейерлерін тифломагнитофонмен ауыстыру сияқты т.б.

«Тифлотүсіндірме» («тифлокомментарий»)  терминіне тоқталып, тәжірибе түрінде көрсету.

 

 

 
«Тәуелсіздік – жанарымның жарығы»
Іс – шаралар

21 сәуір, сағ. 11.00 Оңтүстік Қазақстан облысы мәдениет басқармасының көзі көрмейтін және әлсіз көретін азаматтарға арналған кітапханасында ҚР Тәуелсіздігінің 25-жылдығына орай «Тәуелсіздік – жанарымның жарығы» атты мерекелік кеш өтті.

Іс-шараның мақсаты: мүмкіндігі шектеулі, дарынды өнерпаз зағип жандардың ҚР Тәуелсіздігін жырлауы, олардың жетістіктерімен  тереңірек таныстыру, көпшілікке көтеріңкі көңіл күй сыйлау.

Тақырыпқа сай жазық баспалы, бедерлі-нүктелі және «сөйлейтін» кітаптар және кіші қалыпты мүсіндер қойылған кітап көрмесі ұйымдастырылды.

Іс-шараға қатысқандар: шақырылған қонақтар, зағип және әлсіз көретін оқырмандар, «Үміт» мектеп-интернатының оқушылары және кітапхана қызметкерлері.

Іс-шараға қатысушылар, саны: 71 оқырман

 
Встреча с французким писателем Баширом Керруми
Іс – шаралар

27.04.2016 года  Южно-Казахстанскую библиотеку для незрячих и слабовидящих граждан посетил известный писатель и общественный деятель Башир Керруми (Париж, Франция). Доктор Башир Керруми прибыл по приглашению «Beeline Казахстан» для общения с читателями специальной библиотеки для незрячих и слабовидящих граждан в рамках республиканского социального благотворительного проекта «Безграничные возможности». К встрече доктора Б.Керруми спецбиблиотека выпустила его труды: аудио-версию его бестселлера «Красная пелена» и брайлевское пособие «Эффективное управление потенциалом работников с ограниченными способностями к труду».

 

 
«Ел боламын десең, бесігіңді түзе!»
Іс – шаралар

Оңтүстік Қазақстан облыстық мәдениет басқармасы облыстық зағиптар кітапханасында «Ел боламын десең, бесігіңді түзе!» тақырыбында

«Онлайн ғаламтор»  арқылы телекөпір өтті. Мақсаты: ұмыт қалған ұлттық салт-дәстүрлерді насихаттау болды. Оңтүстік «Енші беру ата-ананың міндеті» тақырыбын ашқан болса, Орал қаласындағы облыстық зағиптар кітапханасы «Көрісу» дәстүрін көрсетіп, көрермендердің көңілінен шығып, Оңтүстіктің «Ынтымақ» этноорталығының  әжелер тобы «ауылдың алты ауызы» әндерімен қорытындылады. Іс-шараға қатысқандар: Орал, Шымкент қаласының облыстық арнайы кітапхана ұжымы және оқырмандар болды.

 
«Қош келдің Наурыз» (22-наурыз мейрамы)
Іс – шаралар

Өткізілген орны: Оқу залы

Өткізілген уақыты: 18 наурыз, сағ 11-00.

Іс-шараның мақсаты: Наурыз мейрамы туралы түсінік беру арқылы Қазақ халқының салт – дәстүрін көрсету және оны құрметтей білу.


Көрнекілігі: «Наурыз мейрамы» туралы нақыл, қанатты сөздер,  суреттер көрмесі, кіші қалыпты мүсіндер, ұлттық нақыштағы қол өнерлері.

 

Әз Наурыз қыстан қысылып шығып күн мен түннің теңескен және барлық Шығыс халқы көптен күтетін ұлы мейрам. Сондықтан да біз іс-жоспарымыздың бір күнін осы мерекеге арнауды жөн көрдік. Көбінесе біздің оқырмандарымыз аға-буынды немесе үйінде жұмыссыз отырған зағип жандар. Сондықтан да олар кітапхананың жұмыс күні басталысымен-ақ оқырмандар ағылып келе бастады. Тифлозал көңілді гүбір-гүбірге толып, бірін-бірі сағынысып қалған зағиптар бір-бірімен арқа-жарқа амандасып сөйлесіп жатты. Біз өз жұмысымызда әрқашан жас мамандарды тартып отырамыз. Сондай болашақ маманның бірі М. Әуезов атындағы университеттің түлегі Ябаева Жанарға осы іс-шараны жүргізу тізгінін бердік. Өзінің тартымды қоңыр даусымен Жанар зал аудиториясын бірденнен өзіне тартып алды. Мерекелік сәлемдесуден соң Наурыздың шығу тарихы осы кездегі әзірленетін тағамдарды, қазақ халқының салт-дәстүрлерін айтып өтті. Сахна төріне өзінің ақ батасымен Қыдыр ата шығып жиналған жамағатқа тілегімен аталық өсиетін айтып кетті. Сонан-соң ортаға арнайы кітапхана директоры Б.Нұрманбетов шығып жұртшылыққа ұжымның және әкімшіліктің атынан ақ тілектерін білдірді. Біз оқырманға тосынсый ретінде «Сүйінші» продюссерлік орталығының ұжымын шақырған болатынбыз. Сондықтан жүргізуші одан әрі қарай микрофонды сол орталықтың директоры Сапарбаев Ермахан Тілеулесұлына ұсынды. Өз сөзінде қонақ ұжымдарымен таныстырып, жиналған апалар мен аталарды және қызғалдақтай қыздарды көктем мерекесімен құттықтады. Сахнаға шығып, осы ұжымның әртістері Гүлшат Ахметова және Нүргүл Мырзахметовалар баян мен домбыраны үндестіріп «Тобылғы сай», «Ай, қаракөз», «Көзіңнің мөлдірін-ай» секілді қазақтың халық әндерін әуелетті. Өз кезегінде Ермахан залды әдемі әзіл-әжуа әңгімелерімен езу тартқызып, қазақтың ақиық ақыны                      М. Мақатаевтың «Бақыт деген немене» сияқты өлеңдерін оқып, наурыз кешін керемет туындылармен көмкеріп отырды. Қамкөңіл жандардың арасында кейбіреу көздеріне жас алып жатса, ал кейбіреуі «Жарайсың, жарайсың» деген сөздермен шапалақтарын ұрып отырды. Мереке дәстүрлі Наурыз көжесімен дәм татумен жалғасып, оқырмандарға шағын дастархан жайылды. Дастархан үстінде «Сүйінші» продюссерлік орталығының дайындап әкелген шағын сыйлықтары тарқатылып, осы ұжымға арнап қарияларымыз ризалығын білдіріп жатты. Қаламызда айта кететін жай І-топтағы көз мүгедегі кәсіпкер Сыздықов Жұманәлі бауырымыз әр мереке сайын бізге қолдау көрсетіп отырады. Бұл жолы да Жұмекең құр қол келмепті. Тағдырластарына жайылған дастарханға тәтті тағамдарымен сусындарын қойып, ақ жаулықты аналары мен ағаларына шын жүректен шыққан ақ тілегін білдіріп жатты. Кеш соңында ҚСҚ құрметті мүшесі сексенді алқымдаған Сопбеков Оңалбек ақсақал келген қонақтармен оқырмандарға ақ батасын беріп, «Ұлыс оң болсын, Ақ мол болсын, Қайда барсаң жол болсын» деген тілектерімен барлығы қол жайысып аумин деп жатты. Кеш тартымды, көңілді болып өтті. Іс-шараға «Көктем нұры жүректерді жылытсын» атты көрме ұйымдастырылды.

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Страница 8 из 12